Општина Куманово ќе донира 100 илјади денари помош за семејствата на загинатите во Тетовската болница

Одлуката беше донесена едногласно на денешната седница на Советот, а советниците истакнаа дека не е битна висината на средствата туку пораката којашто сакаат да ја упатат а тоа е сочувство и солидарност од граѓаните на Куманово.

„Mногу пати досега овој Совет донесувал одлуки за помош на многу загрозени граѓани и сметам дека и за овој немил настан треба да покажеме хуманост“, рече Анета Шандева-Доневска“, од ВМРО-ДПМНЕ.

Советничката од СДСМ Ивана Николиќ кажа доколку има некоја законска пречка помошта да се исплати поради изборите, оваа одлука ќе се примени по завршувањето на изборниот процес. 

„Длабоко сочувствуваме со овие семејствата и знаеме дека нивната загуба нема да ја надомести ништо. Ова е само еден гест, со кој сакаме да покажеме дека сме со нив во овие тешки моменти. Доколку постои законска пречка за исплата на средствата во овoј момент тие ќе се исплатаt по завршување на локалните избори“, кажа Николиќ.

Советниците побараа од надлежните што побрзо да ја завршат истрагата и да се најде виновникот на оваа трагедија, а до директорите на болниците каде што има модуларни одделенија апелираа да ги преземат сите мерки за безбедност на пациентите и вработените.