Зачленете се во нашиот клуб на читатели и најновите текстови ќе ги добивате на вашата мејл адреса
По повод 11 Ноември – Денот на ослободување на Куманово, Општината и оваа година ќе ја додели Ноемвриската награда, како највисоко општествено признание што се доделува за посебни достугнувања во одредени области.
„Ноемвриската награда се доделува на поединци, претпријатија и други организации, установи, здруженија и заедници чие што дело, односно резултати во работењето и делувањето претставуваат посебно остварување во областите на стопанството и вонстопанските дејности, во текот на едногодишен и повеќегодишен период. Делата односно достигнувањата треба да бидат достапни до 11 Октомври, а авторот на делото да биде жител на општината“, - информираат од Општина Куманово.
Право на предлагање на кандидати имаат претпријатија, установи, здруженија, месни заедници, група граѓани и поединци.
Предлозите со образложение во писмена форма се доставуваат до Комисијата за одбележување на празници и манифестации и доделување на награди и признанија, најдоцна до 31 октомври годинава.