Општина Куманово започна постапка за изградба на улица на местото на бараките на „11 Октомври“

Заинтересираните треба ја достават потребната документација најдоцна до 17-ти овој месец. За проектот е предвидено да се издвојат околу 5 милиони денари.

Општина Куманово претходно ги отстрани времените објекти на „11 Октомври“ и со тоа создаде услови за изградба на нова улица. Имаше вкупно 24 времени објекти, кои најголем број се во сопственост на Јавното претпријатие за стопанисување со станбен и деловен простор.

Градоначалникот Максим Димитриевски, уште на почетокот на мандатот најави дека планира да ги поврзе двете улиците, за да се намали гужвата во сообраќај кон Општата болница и да се отстрани тесното грло кое го создаваат возилата кои се движат кон населбата Бедиње и Липково.

(Д.Д.)