Зачленете се во нашиот клуб на читатели и најновите текстови ќе ги добивате на вашата мејл адреса
На Инфективното одделние во Кумановската болница хоспитализирани се 8 пациенти позитивни на коронавирус.
Според началникот на оддeлението Азиз Бајрами, кој и самиот беше позитивен на КОВИД-19, сите пациенти се во стабилна здравствена состојба, освен една пациентка која е на кислородна поддршка.
„Станува збор за пациенти над 60 - годишна возраст, повеќето се жени и доаѓаат од селските средини од Куманово и Липково“, - изјави Бајрами.
Директорката на Кумановската болница Снежана Захариева, вели дека последната недела постои тренд на опаѓање на хоспитилизирани пациенти на Одделението за инфективни болести и бројот не преминува преку 10, а во екот на пандемијата имало и повеќе од 35 само на едно од одделенијата.
„Во моментот имаме 8 пациенти, од кои двајца се позитивни, а другите шестмина се негативни, меѓутоа лежат затоа што им е продолжена терапијата до потполно оздравување. Некои имаат услови да бидат пуштени дома, но сепак ќе почекаме да ја видиме клиничката слика и лабораториските резултати“, - изјави Захариева.
Таа додаде дека сите здравствени работници кои биле позитивни на коронавирус се оздравени и вратени на работа, сите оддели се екипирани и чекаат насоки од Министерството за здравство да ги отворат амбулантите за пациентите.