Пет пожари во изминатото деноноќие во Куманово

Според извештајот на Регионалниот центар за управување на кризи(РЦУК), пожарникарите гаснеле сува трева, ѓубре, жито и еден автомобил.

Првиот пожар е пријавен вчера од 10.50 часот во селото Бељаковце на запалена сува трева. На Пчински пат горела сува трева и ѓубре околу 15.30 часот, на Поток Серава се запалило жито во периодот од 16,30 часот,  додека на Спомен Костурница истотака горела сува трева околу 17 часот.

Последниот пожар е регистриран околу 17 часот пред Хотел „Милано“, а се интервенирало на гаснење на автомобил.