Зачленете се во нашиот клуб на читатели и најновите текстови ќе ги добивате на вашата мејл адреса
Планинарскиот клуб Козјак од Куманово, утре ќе го реализира традиционалниот Меморијален марш „Појак Калман“ - искачување на планинскиот врв Китка. Учество ќе земат сите членови на клубот, а ќе пешачат на две релации.
- Првата патека за движење е преку селата Пелинце- Враготурце до врвот Китка на 1211 метри надморска височина. Втората релација е од селото Малотина до врвот Китка. Планирано е двете екипи да се сретнат на Китка. Двете патеки се средно тешки, - информираат од клубот.
Меморијалниот турнир се одржува по 22- ри пат, а се организира по препораки и мерки на медицинската комисија на ФПСМ.
Маршот е влезен во календарот на ФПСМ и во програмата на Сојузот на спортови на Куманово.
Со маршот се одбележува денот на кој е починат Појак Калман, планинар и основоположник на здружението на планинари „Козјак“.