Поплавените да ги пријават штетите до 27 ноември

Семејствата кои се зафатени со последните поплави, штетите можат да ги пријават во Општината Куманово најдоцна до наредниот четврток.

Сопствениците на поплавените објекти, покрај барање, треба да достават и фотокопии од лична карта, имотен лист, трансакциска сметка и слика од предизвиканата штета-, објаснува секретарот на општината Валентина Алексовска.  

Доставените документи ќе ги разгледува општинската Комисијата за проценка и утврдување на штета од природни непогоди, по што ќе изврши увид на лице место и ќе ја утврди нанесената штета.