Зачленете се во нашиот клуб на читатели и најновите текстови ќе ги добивате на вашата мејл адреса
ЛАГ АБЕР 2015 го заврши проектот за подобрување на визибилноста на архео-астрономскиот локалитет Кокино.
За таа цел изготвени се нови патоказни и информативни табли, кои значително ќе ја олеснат посетата на Кокино, особено за странските туристи, кои постојано апелираат да се подобри патната сигнализација.
„Преку истата донација, активен е сајтот за Кокино: www.visitkokino.com, на кој се наоѓаат основните информации за вредностите на овој локалитет и можностите за негова посета. Активирани се мобилните апликации за аудио-водење на локалитетот, додека за сите оние кои се заинтересирани за посета со водич, може да се обратат во НУ Музеј Куманово или да резервираат водич на сајтот www.kokino.mk“ додаде Дејан Ѓорѓиевски, археолог во НУ Музеј Куманово.
Тој апелираше до посетителите да се придржуваат до препораките за посета на локалитетот, како и до протоколите за посета утврдени со одлука на Министерството за култура, како и до месното население да не ги оштетува или уништува патоказните табли, затоа што руралниот развој преку културниот туризам е од интерес на сите нас.
Проектот беше спроведен во соработка со НУ Музеј Куманово, преку донација добиена од Амбасадата на Република Франција.
(Ф.М.)