Повеќе од 2.000 акредитирани набљудувачи за изборите

 Според роковникот на ДИК, денеска е последен ден кога може да се поднесе пријава за мониторинг на изборите.

Бројката за домашни набљудувачи достигна 2.018. Меѓународни набљудувач се 81, преведувачи 49, а ќе има и 6 странски новинари. Во домашните, ќе бидат присутни НВО МОСТ со 905, Цивил – центар за слобода со 278, АКСИОС 2017 со 797 и од Националниот центар за Роми – Куманово ќе има 38 набљудувачи. Во врска со странските набљудувачи и преведувачи, ќе има од неколку амбасади, но и од сите соседни земји. Најпретставителни ќе бидат членовите на ОБСЕ-ОДИХР кои ќе бидат специјална комисија за проценка на изборите, со 33 набљудувачи и 14 преведувачи.

Изборниот молк започнува во недела на полноќ, а во понеделник и вторник ќе гласаат заразените со вирусот Ковид-19, луѓето во самоизолација, болните и изнемоштените.

(Д.Д.)