Повреден велосипедист кај Автобуската станица во Куманово

Според МВР, вчера во 15.20 часот на крстосница од ул.„Доне Божинов“ и ул.„Братство Единство“ во Куманово, патничко возило „лада нива“, со кумановски регистарски ознаки, управувано од Б.К.(49) од Куманово, удрило во велосипед, управуван од В.Х.(56) од Куманово.

По незгодата, В.Х. бил пренесен во Клиничка болница Куманово каде му биле констатирани тешки телесни повреди. Увид на местото на незгодата извршила екипа од СВР Куманово.