Повреден возач на мотокултиватор при судир со „голф“

Возач на мотокултиватор е повреден во сообраќајна несреќа, откако со своето возило се судриле со автомобил на раскрсница во центарот на Куманово.

Несреќата се случила вчера околу 20.10 часот, по што било пријавено во полицијата.

„На крстосницата на бул.„Октомвриска револуција“, ул.„Ѓорче Петров“ и ул.„Иво Лола Рибар“ во Куманово се случила сообраќајна несреќа помеѓу патничко возило „фолксваген голф“ со кумановски регистарски ознаки, управувано од Ч.С.(63) и мотокултиватор управуван од Ф.С.(35), двајцата од Куманово. Во несреќата со тешки телесни повреди се здобил Ф.С., констатирани во Општата болница во Куманово“, соопшти МВР. 

Извршен е увид од екипа на СВР Куманово.

(фото. архива)