Претседателскиот кандидат на СДСМ Стево Пендаровски во недела на митинг во Куманово

„Стево Пендаровски, во неговиот досегашен мандат го врати дигнитетот и достоинството на институцијата претседател. Беше претседател на сите граѓани, не делејќи ги луѓето по вера, етникум, политичко убедување. Македонија заслужува да има претседател како што е Стево. Затоа сме сигурни дека граѓаните на 24 април ќе го дадат својот глас за бројот 1, со што државата ќе продолжи да се движи на вистинската патека, а тоа е патот кон европската унија. Затоа ги повикувам сите граѓани на Куманово, определни и неопределени по политичко убедување сите заедно да излеземе на 14 април во 20 часот на Градскиот плоштад и заедно со Стево Пендаровски да испратиме порака , порака за обединување и сплотеност кон европскиот пат до целата наша држава и до сите наши граѓани“, истакна во повикот претседателот на општинската организација на СДСМ, Александар Арсиќ.