Прогласени победниците на конкурсот „Новогодишна желба“

Наградата за „најпесна“ ја освоиа Тамара Свилар од ОУ „11 Октомври“ и на Бруно Ивановски од ОУ „Крсте Мисирков“,  прво место им припадна на Ибраим Феризи од ОУ „Толи Зордумис“ и Јован Трајковски од ОУ „Христијан Карпош“. Второто место го делат Меланија Цветковска од ОУ „Браќа Миладиновци“ и на Мила Христовска ОУ „Кочо Рацин“, а трето место Аниса Шабани ОУ „Наим Фрашери“ и Марио Симоновски од ОУ „Магдалена Антова“, додека пак на останатите учесници ќе им бидат доделени благодарници за учеството.

„Учествуваа ученици од основните училишта, имаме наградени ученици, но и ученици кои тука ќе цртаат ќе прават свои ракотворби и новогодишни лампиони, така што очекуваме дека ќе се дружат. Затоа и имаме кловн, жонглер, како и Дедо Мраз кој ќе ги анимира. Мислам дека ќе биде една интересна манифестација за дечињата во нашиот град. Тие тоа го заслужуваат, “- додава директорот на Центарот за култура „Трајко Прокопиев“ од Куманово.

Во литературните творби на децата најмногу беа застапени желбите за мир, другарство и среќно семејство, а нивните професори велат дека децата секоја година покажуваат се` поголем интерес за вакви конкурси, но дека овој конкурс е посебен затоа што прераснува во манифестација во која децата можат и да се забавуваат, но и притоа да цртаат и прават новогодишни украси заеднички.

„Јас прво слушав некои песнички на интернет и ми дојде некоја идеја како да ја напишам песничката со новогодишната желба, но со свои зборови. Јас сакам да се пријавувам на вакви конкурси, затоа што е убаво да си другаруваме меѓусебе и ова ми е прв пат да добијам прва награда и сум многу среќен,“- вели првонаградениот Јован Трајковски од петто одделение во основното училиште „Христијан Карпош“ во Куманово.

 Неговата наставничка Љубинка Велкова вели дека е особено горда на успехот на Јован Трајковиски, но и на останатите дечиња кои се имаат пријавено на кокурсот од нивното училиште и додава дека станува збор за дечиња кои навистина покажуваат афинитети кон пишување на литературни творби.

Литературниот конкурс „Новогодишна желба“, беше распишан пред еден месец и е наменет за учениците од основните училишта.