Првата пациентка со коронавирус заминува на домашно лекување, се тестираат три лица од Дебар

Како што рече министерот за здравство Венко Филипче, нејзината состојба е стабилна, таа двапати била тестирана за коронавирус, но нејзините резултати биле негативни.

- Здравствената состојба на пациентите позитивни на КОВИД-19 кои се лекуваат на Клиниката за инфективни болести и фебрилни состојби е стабилна. Во стабилна состојба е и првата пациентка од Дебар која е на респираторна машина. Петте пациенти кои се лекуваат во Дебарската болница се во добра здравствена состојба, - соопшти министерот.

Во текот на ноќта нема нови лица тестирани на корона вирус, а во моментов се чекаат брисеви за тестирање на три лица од Дебар.

Во Македонија има вкупно 18 заразени лица, од кои 16 се од Дебар, а 2 од Скопје.