Прво го нападнал со секира, потоа му ја запалил шталата

Пред петнаесетина дена пријавениот со секира го нападнал С.Н.(63) од с.Кшање и  со сечивото од секирата го удрил во раката, нанесувајќи му телесна повреда.

По кратко време, С.Н. излегол од својот дом за да го собере добитокот, а пријавениот повторно го нападнал со секира, но го удрил во вилата која  ја носел со себе.

Исто така, пред два дена околу 01,00 часот, пријавениот дошол до помошните простории на С.Н. и ги запалил сламата и сеното од кровната конструкција, по што пожарот се проширил и во останатите простории, кои целосно изгореле, како и 60 кокошки, 14 грла добиток. С.Н. при гаснење на пожарот се здобил со изгореници по лицето  и рацете.