Ревија на венчални фустани носени од средината на минатиот век до денес

На манифестацијата од ревијален тип - „Рапсодија во бело“, опфатен е периодот од 40- тите години на минатиот век па се до денес, со сите карактеристични трендови на градската мода која што се менувала под влијание на големите европски модни центри.

Од скромноста и конзервативноста на воениот период, преку холивудскиот гламур во поствоено време, се менувале материјали и кроевидонесени од Лондон, Париз, Истанбул.

- Се до средината на шеесетите години се носеле долги фустани до глежните и под колената, мини и миди, за подоцна во раните 70 сети да се појават венчаници во макси и хипи стил. Модерни се шапки со широк обод кои ќе бидат видоизменети по облик и форма во подоцнежните години. Осумдесетите се одбележани со послободен креативен потенцијал и потполно вклопување во новите светски трендови. Изразувам голема благодарност до сите мои сограѓанки кои своите невестински фустани ги извадија од заборав и ги донираа или позајмија за да може да ги види пошироката јавност и да се потсети на едни давнешни времиња полни со љубов од најбитниот момент во животот на жената, - вели Анита Ѓорѓиоска, кустос - советник од Музеј Куманово.

Таа додава дека новиот век е одбележен со раскош, а венчалните фустани изгледаат како од бајките, додека дизајнерите на поновото време ќе остават свој личен белег, повремено навраќајќи се на ретро стилот и копирајќи ги највеличествените креации на своите предходници, старите кумановски шивачи.