СДСМ ќе изгради 15 детски игралишта во Куманово

Претседателот на огранокот Мартин Костовски, вели дека оваа идеја потекнала од самите членови, а како резултат на тоа што на маалските средби била истакната потребата за вакви игралишта во сите делови на градот.

„Нашите членови сообра лични средства, донации и решија на најмалите да им подарат детски игралишта на различни локации во Општината. Започнавме со „Тоде Мендол“, а идната недела ќе ги пуштиме и следните две во населбите „Перо Чичо“ во кругот на училишниот двор и во „Гоце Делчев“, кај т.н. Кошеви. Се надевам дека ќе не послужат временските услови и до 15 ноември ќе ги завршиме сите 15 игралишта“, - изјави Костовски.

Тој се надева дека нивниот гест ќе потикне и ќе придонесе за будење на општествената одговорност и кај останатите фактори во општество.

Детските паркови се изградени на бекатонска подлога со ризла, опремени со лулашки, клацкалици, со клупи и хортикултурно уредување.