Зачленете се во нашиот клуб на читатели и најновите текстови ќе ги добивате на вашата мејл адреса
Претседателот на Општинскиот комитет на ВМРО-ДПМНЕ, Бране Петрушевски, експресно одговори на обвинувањата на секретарот на општинската организација Оливер Илиевски, повикувајќи СДСМ да излезе од филмот дека е во опозиција и да ја прифати реалноста во која се наоѓаат граѓаните и државата.
„Жално е и што СДСМ по скоро 4 години власт никако да излезе од опозицискиот филм. Но веќе на сите им е јасно зошто тоа го прават: - Затоа што СДСМ во Куманово не направи ништо! И затоа прашуваат што ВМРО-ДПМНЕ направило во Куманово, свесно заборавајќи ги и игнорирајќи ги проектите на ВМРО-ДПМНЕ како Ургентниот центар, рехабилитација на автопатската делница Куманово - Миладиновци, изградбата на автопатската делница Куманово - ГП Табановце, спортската сала Панко Брашнаров во населбата Карпош, реконструкцијата на локалениот пат Куманово - с. Пчиња, тениските игралишта... Заборавија на странските инвестиции кои ги донесе ВМРО-ДПМНЕ, каде своја егзистенција најдоа голем број кумановци... Заборавија дека воопшто поимот субвенции во земјоделието како политика е воведена од ВМРО-ДПМНЕ! Лично сметам дека ова не е доволно за кумановци, но сепак од СДСМ забораваат на сето ова затоа што им е срам, оти ништо не направија во Куманово“, - стои во писмената реакција на Петрушевски.
Тој додава дека е жално што е одбиена неговата подадена рака за формирање на кумановска платформа и заедничка борба за Куманов, но уверен е дека никој од СДСМ Куманово нема да го послуша нивниот секретар, особено што е охрабрен од прифаќањето на неговата идеја од страна на градоначалникот на Куманово.
Зачленете се во нашиот клуб на читатели и најновите текстови ќе ги добивате на вашата мејл адреса
