Се апсат бивши функционери во Агенцијата за стокови резерви и Министерството за земјоделство
Во координација со Основното јавно обвинителство (ОЈО) Скопје во тек е полициска акција со претреси во Скопје, Куманово и Тетово, поради сомненија за кривично дело злоупотреба на службена должност.
Станува збор за акција поради сомненија за злоупотреба на службената положба во текот на 2021 и 2022 година од страна на овластени службеници во Агенцијата за стокови резерви, Агро берзата, Министерството за земјоделство и едно вешто лице.
Приведените се сомничат дека со неизвршување на својата службена должност придонеле да се изврши отпис на 1.500.000 килограми меркантилна пченица и 500.000 килограми јачмен од државните стокови резерви со што причиниле штета на буџетот од околу 780.000 евра. Сите се осомничени за злоупотреба на службената положба и овластување.
Повеќе информации и детали се очекуваат по завршувањето на акцијата, информира денеска Јавното обвинителство.
НАЈНОВИ
-
Се апсат бивши функционери во Агенцијата за стокови резерви и Министерството за земјоделство
-
Смени на директори во јавните претпријатија „Чистота и зеленило“ и „Водовод“
-
Отворен е Ресурсен центар за помош и развој на општините
-
Нападнат овчар во Матејче додека напасувал стадо овци
-
Просечната плата во септември 45.466 денари, објави ДЗС
-
Бензинот поевтинува, а дизелот поскапува