12. 08. 2020 13:09

Се гради атмосферска канализација на улицата „Христијан Карпош“ во Куманово

Се гради атмосферска канализација на улицата „Христијан Карпош“ во Куманово

 Согласно програмата на Општина Куманово за комунално уредување започнаа работите на изградбата на нова атмосферска канализација на улицата „Христијан Тодоровски Карпош“, наспроти Општата болница во Куманово.

„Во моментот работиме на изградба на атмосферска канализација на околу 100 метри на улицата, а за целата улица „Христијан Тодоровски Карпош“ ќе треба да се направи техничка документација во наредниот период. Вредноста на изградбата е еден милион денари“, изјави Момчило Јовановски, од Секторот за комунални работи.

Изградбата на фекалната канализација се очекува да заврши за околу две недели. Изведувач на работите е градежната фирма „Билдинг“ од Скопје.


2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk