Се отвараат телефонски линии за психолошка поддршка за граѓаните

Како што најави министерот за здраство Венко Филипче, броевите ќе бидат објавени во текот на овој ден.

- Психолошката поддршка ќе биде наменета за родители на деца на училишна и предучилишна возраст, понатаму психолошка поддршка ќе биде понудена на лица во самоизолација и психолошка поддршка ќе биде понудена за граѓаните од Дебар и Центар Жупа, во соработка со болницата во Дебар,- рече Венко Филипче на денешната прес-конференција.

Исто така, согласно мерките за превенција од КОВИД-19, ќе се ослободи и еден родител на децата со цистична фиброза.

Од денеска е спремен и списокот на лекари анестезиолози и медицински сестри коишто по потреба ќе ротираат во институциите, каде што ќе биде потребно.  На располагање се близу 440 медицински сестри и 200 анестезиолози од целата држава, а откажан е и хроничниот програм во сите хирушки одделенија.