Зачленете се во нашиот клуб на читатели и најновите текстови ќе ги добивате на вашата мејл адреса
Денеска започнува реализацијата на проектот за уредување на комплексот кај Спомен костурница во Куманово.
Максим Димитриевски, градоначалникот на Општина Куманово, денеска ги објави предвидените активности за реализацијата на проектот кој е предвидено да заврши до мај 2021 година.
„ Согласно проектот е предвидено изградба на амфитеатар на постоечкото игралиште, изградба на три нови спортски терени, трим патеки за пешачење и трчање, поставување на опрема за вежбање и рекреирање, нова урбана опрема, осветлување и дополнително озеленување со нови садници“, напиша Димитриевски.
Општина Куманово, уредувањето на Спомен костурница го спроведува во соработка со Општина Гњилане, преку проектот „Зајакнување на вредности на културно и природно наследство“-за прекугранична соработка помеѓу Косово и Македонија. Преку проектот се предвидени 477.000 евра за партерно уредување на Спомен костурницата во Куманово и реконструкција на музејот во Гњилане.
(Ф.М.)