Зачленете се во нашиот клуб на читатели и најновите текстови ќе ги добивате на вашата мејл адреса
Комисија за доделување на награди и признанија и одбележување на празници и манифестации, додели седум Ноемвриски награди.
Како поединци, највисокото градско признание го добија: Славица Крстиќ од Музејот Куманово, др. Нуриjе Алији од приватна гинеколошка ординација и Ѓорѓи Спасовски од Катастар. Во категоријата правни лица наградени се поликлиниката “Доктор Ѓоше“, мото клуб “Мечки“, ОУ “Кочо Рацин“ и Македонски шуми подружница Куманово.
На јубилејот, 70 години од слободно Куманово, одлучивме симболично да доделиме 7 награди. Сите наградени досега дале свој придинес за развој на градот и се надевам дека и понатаму ќе го промовираат Куманово во државата и надвор од неа. Останатите кандидати не значи дека не се квалитетни, туку едноставно не можеме сите да ги наградиме“ - вели Снежана Захариева, претседател на комисијата.
На добитниците наградите ќе им бидат врачени на свечената академија по повод Денот на градот.
Останатите предложени кандидати беа: Друштвото на писатели Куманово, Бобан Богатиновски, Кумановски тамбураши и Нино Величковски, Севдаил Демири, Драган Илијевски, Реџеп Амети, Југослав Спасиќ, Мирослав Петровиќ и Ваит Саити.
(фото: Доделување на наградите во 2012 година)
Зачленете се во нашиот клуб на читатели и најновите текстови ќе ги добивате на вашата мејл адреса
