Седуммината тестирани се негативни на коронавирус

Денеска се тестираа пациенти од Куманово, Тетово, Кичево, Охрид, две трудници од Дебар и еден пациент од Кочани, чиј брис пристигнал преку Центарот за јавно здравје од Штип.

Пациентот од Кочани е негативен, но заради типичните симптоми на вирусот, истиот ќе се повтори.

Во земјава има 18 лица заразени од коронавирус, од кои 13 се хоспитализирани на Инфективната клиника во Скопје, а петмина се во болницата во Дебар.