Силниот ветер откорна дел од кров на зграда во центарот на Куманово

Кровната конструкција паднала на тротоар во еден од најфреквентните делови на градот, на крстосницата меѓу улицата „Гоце Делчев“ и булеварот „Трета македонска ударна бригада“, па среќа е што нема повредени. Причинета е само материјална штета.

„Во 10:50 часот било пријавено дека на улицата Гоце Делчев во Куманово паднал дел од кров од зграда. Повредени лица нема, а екипа од СВР Куманово е на терен и го регулира сообраќајот“, соопштија од МВР.

Во расчистувањето на теренот учествуваа екипи на ЈП „Чистота и зеленило“, како и на Територијалната противпожарна единица Куманово.