Зачленете се во нашиот клуб на читатели и најновите текстови ќе ги добивате на вашата мејл адреса
Лице вработено како технички персонал во градинка во Липково е позитивно на коронавирус, покажал скринингот на вработените во градинките во Североисточниот регион.
Според информации од Центарот за јавно здравје во Куманово, тоа е единствен случај од вкупно 314 лица на кои им е направено тестирање минатата недела.
„Направени се тестови на сите вработени во градинките во четири општини. Во Куманово се тестирани 235 лица, во Липково 13, Крива Паланка 50 и Кратово 30. Од вкупниот број има едно заболено лице во Липково“, вели од Центарот.
Во кумановско денеска се регистрирани шестмина новозаболени, сите од Општина Липково.
До сега во кумановскиот регион има заразени 448 лица од коронавирус, од кои 42 се активни и 21 починат.