Сметките за вода ќе се плаќаат и преку интернет

- Со оваа услуга брзо, лесно, сигурно и без провизија ќе може да се платат сметките за вода. Корисниците кои имаат повеќе водомери, може да ги групираат на сопствениот профил и ќе имаат преглед на сите неплатени сметки на едно место. Услугата е наменета за физички лица. За креирање на кориснички профил на веб-страницата e-naplata.vodovod-kumanovo.com.mk потребно е да се внесе корисничкиот број (шифра). Понатаму, при секоја најава, корисникот ќе добива детален увид во неплатените сметки, во секое време од денот, - соопштуваат од препријатието.

Со новата услуга корисниците имаат можност да ги избегнат каматите за задоцнето плаќање и да не се грижат за пристигнувањето на сметките. Онлајн плаќањето е одлична можност за оние корисници кои патуваат често или живеат надвор од Куманово. Со оваа услуга корисниците ќе заштедат време, пари и енергија, а во исто време ќе имаат целосен увид во сите неплатени сметки.