Спасовски: Каде и да си за Бадник и Божиќ дома да си

 На Градскиот плоштад, заедно со останатите граѓани, присуствуваше на традиционалната манифестација која ја организира Здружението на граѓани чувари на традиција „Коледари“.

„Навистина ми е огромна чест и задоволство што денеска сум заедно со своите кумановски и кумановци, токму на еден од најголемите христијански празници Бадник и Божиќ. Ние во Куманово викаме: “Каде и да си за Бадник и Божиќ дома да си“, и навистина е добро што овој ден го поминувам заедно со моите сограѓани. Сакам на сите да им го честитам Бадник и Божиќ, да им посакам да имаат многу здравје, лична и семејна среќа, да имаат духовен мир, сите заедно да направиме се` да се посветиме нашата држава Северна Македонија да напредува, да има развој, младите да ни останат овде, да расте економијата. Тое е мојата желба за 2020 година“, изјави Спасовски.

Премиерот додава дека со задоволство доаѓа и дава поддршка на прославата на Коледари, затоа што оваа манифестација ја одржува и ја пренесува традицијата на идните генерации.

„Од самиот почеток давам поддршка затоа што традицијата и обичаите треба да ги пренесеме на нашите идни генерации, да оставиме на нашите поколенија тоа што претставува наша традиција тоа што е кумановски дух. Сметам дека треба да биде подржана и да се пренесува од колено на колено и сите заедно да го прославуваме Бадник“, истакна Спасовски.

На прославата присуствуваше и министерот за земјоделство шумарство и водостопанство Трајан Димковски, како и други високи функционери на државни и локални институции и претпријатија.