Средната зона на градот од ноќеска без вода - ќе се сервисира главниот вод

Како што соопштуваат од ЈП „Водовод“ периодично сервисирање на елементи на водоводната мрежа за средната зона Ф457.2мм, ќе започне во понеделник од 1 часот по полноќ.

„Водоснабдувањето ќе биде прекинато во недела наспроти понеделник на водот за средната водоводна зона и тоа на улиците: Тоде Мендол, Б.И.Гуне, Вук Караџиќ, Поток Серава, Младен Стојановиќ, Франц Розман, Драгојло Диндиќ, Милан Зечар, Прозорска, дел од Бајрам Шабани, Васа Пелагиќ, Правда Спасовска, Бараки и околните улици кои гравитираат околу гореспоменатите улици. Додека во населбите Гоце Делчев, Зелен Рид и Јане Сандански ќе има намален притисок во водоводната мрежа“, стои во известувањето од претпријатието.

Водоснабдувањето се очекува да се нормализира во претпладневните часови, а ЈП Водовод - Куманово ги замолува граѓаните за разбирање.