СЗО прогласи пандемија од коронавирус

Вирусот се прошири во 114 држави, а во моментот најкритична е состојбата во Италија и Кина.

Директорот на СЗО Теодос Адханом Гербрејесус, вели дека е длабоко загрижен од алармантното ширење на коронавирусот.

- Пандемија не е збор што треба да се користи лесно и невнимателно. Ако погрешно се користи, тој збор може да предизвика неразумен страв и некои би можеле неоправдано да помислат дека битката е загубена,- додава Гебрејесус.

Прогласувањто на пандемијата настанува откако вирусот ќе се прошири низ целиот свет.

Меѓутоа, земјите можат да влијаат на текот на пандемијата, доколку навреме ги откријат, тестираат, лекуваат, изолираат и следат своите луѓе.

Последната пандемија беше во 2009 година поради свинскиот грип, а во 1981 година поради ХИВ/СИДА. Панде,ии имало и во: 1347 година поради бубонската чума, 1870 година поради големите сипаници, 1918 година поради шпанската грозница.