Тешко повреден возач на четирицикл во Клечовце

Во сообраќајна несреќа на локалниот пат во с.Клечовце општина Старо Нагоричане, викендов тешко е повреден возач на четирицикл.

Несреќата се случила завчера околу 20.00 часот кога С.Г.(44) од с.Клечовце, управувајќи четирицикл, изгубил контрола и паднал на коловозот. 

Тој бил пренесен во болницата во Куманово и по укажаната помош бил препратен во Комплексот клники „Мајка Тереза“ во Скопје за понатамошно лекување. 

Несреќата била пријавена во СВР Куманово, по бил извршен увид на местото на настанот.