Зачленете се во нашиот клуб на читатели и најновите текстови ќе ги добивате на вашата мејл адреса
Илина Арсовска од клас I2 и Ева Димитриевска од клас IV1, ученички во гимназијата „Гоце Делчев“ во Куманово, освоија трета награда на државниот натпревар по информатика, кој викендов се одржа на Технолошко-металуршкиот факултет во Скопје.
Матурантката Димитриевска доби и стипендија за Финки.
„Голема чест е да се добие стипендија од ФИНКИ, тоа за нас значи дека е препознаен квалитетот, знаењето и интересот на Ева за информатичките науки. Не знам дали ќе ја искористиме, но во секој случај нејзиното образование ќе продолжи во правец на софтверско инженерство, ја интересираат најновите постигнувања во таа област- автоматика, роботика, вештачка интелегенција. Оставаме самата да одлучи каде ќе го продолжи школувањето по матурирањето“, изјави нејзиниот татко Костадин Димитриевски.
Ева Димитриевска во последниве 5 години постојано освојува по некоја награда на натпреварите по математика и информатика на кои учествувала, а во деветото одделение учествувала и на Европско првенство. Во Гимназијата „Гоце Делчев“ е под менторство на Славица Грујоска Митиќ, а последната четвртта година на подготовки работи со професорката Јасмина Денковска.
Илина Арсовска, пак ,продолжува со успешни настапи и во средното училиште, откако до лани остваруваше низа успешни настапи за „Кочо Рацин“
На регионалниот натпревар по информатика пофалници освоија и Ѓорѓи Златановски од клас II2 и Никола Бошковски од клас III1 под менторство на професорката Славица Грујоска Митиќ, додека на државниот пофалница освои и Матеј Бојковски од клас IV1 под менторство на професорката Јасмина Денковска.
Зачленете се во нашиот клуб на читатели и најновите текстови ќе ги добивате на вашата мејл адреса
