Три пункта за дезинфекција на возилата кои влегуваат во градот

Според градоначалникот Максим Димитривеки, во наредните неколку дена ќе се монтира ваква опрема на сите влезови и излези од Општината.

- Денеска отворивме три пункта за дезинфекција на возилата кои влегуваат во градот, утре следуваат уште три нови, а до крајот на неделата ќе има на сите влезови во градот. Благодарност до тимот од средно техничко училиште за произведената опрема, вработените во јавните претпријатија и тимовите на МВР за дежурствата на пунктовите, - информира градоначалникот Димитриевски.

Тој апелира до возачите да ги следат напаствијата и хоризонталната сигнализација за да се запази процесот на дезинфекција и да не дојде до оштетување на опремата.