ТВ Нова продолжува со работа

Локалната телевизија Нова останува во етер. Советот за радиодифузија ја поништил одлуката за одземање на дозволата за работа на вчерашната седница, откако телевизијата ги помирила финанскиските обврски за коцесијата за работа.

Информацијата ја потврдија од телевизијата и велат дека продолжуваат со работа и остануваат верни и доследни на гледачите и деловните партнери.

Одредени кабелски оператори деновиве не ја пренесуваа програмата на ТВ Нова, но таа наскоро ќе биде вратена на програмата.

Работата на локалната телевизја беше доведена во прашање на 9 јули, кога Советот за радиодифузија ги одзеде дозволите за работа на повеќе медиуми во земјава меѓу кои и на ТВ Нова. Во образложението беше наведено дека тие не ја исполниле законската обврска за плаќање на надоместок за вршење на радиодифузна дејност.

ТВ Нова останува во кумановскиот медиумски простор на задоволство на граѓаните и колегите новинари.