Уште двајца заболени од коронавирус во Дебар

Се работи за соседи на тројцата жители од Дебар кои пред неколку дена беа хоспитализирани на Инфективната клиника во Скопје.

„Од сите испитани пациенти денеска - двајца се позитивни на корона вирусот. Тоа се двајца луѓе од Дебар, кои биле во непосреден контакт со тројцата претходно хоспитализирани. Биле комшии и имале чести контакти. Сите други нивни роднини кои живеат во истата куќа се негативни, но ќе продолжат да бидат во изолација и во домашно лекување. Нивната здравствена состојба дозволува да бидат на домашно лекување и да не бидат хоспитализирани“, потенцираше министерот Филипче.

Вкупниот број на заболени од коронавирус во Македонија се искачи на 9 лица, кои се сместени на Инфективната клиника.