Зачленете се во нашиот клуб на читатели и најновите текстови ќе ги добивате на вашата мејл адреса
Во периoдов се разговара за отворање на аеродромите и граничните премини, но уште е рано за да се донесат такви одлуки, изјави министерот за транспорт и врски Горан Сугарески вчера во Битола.
„Од страна на „Македонија ТАВ“ беше побарано во следниот период да се соопшти доколку Владата и Кризниот штаб донесат одлука за пуштање на аеродромите, зашто седум до десет дена ним ќе им бидат потребни за одредени тестирања кои можат да ги направат, со цел да бидат пуштени аеродромите. Уште нема таква одлука, веројатно ќе се разговара во следниот период за тоа од кога би биле пуштени аеродромите и граничните премини“, рече Сугарески.
Аеродромот во Скопје поради пандемијата со КОВИД-19 е затворен од 18 март, а ден претходно беа затворени и граничните премини.
(сдк.мк)
Зачленете се во нашиот клуб на читатели и најновите текстови ќе ги добивате на вашата мејл адреса
