Ветераните ќе го пошумуваат Младо Нагоричане

За таа цел доставиле барање до Министерството за земјоделство, шумарство и водостопанство да им се доделат садници за пошумување.

 “Сакаме да направиме добро дело за природата, да има зеленило, да биде воздухот чист. Побаравме дрвца од ресорното министерство, а ние ја нудиме нашата работна сила со што ќе придонесеме за еколошки чиста средина“ - вели Киро Соларски, организационен секретар во Здружение на армиски и полициски ветерани Куманово.

Тие лани засадија дрвца во дворот на нивниот клуб “Христијан Т.Карпош“ и оваа година сакаат да продолжат со истото темпо.