Зачленете се во нашиот клуб на читатели и најновите текстови ќе ги добивате на вашата мејл адреса
Владата ги прифати предлозите за рестриктивни мерки на Комисијата за заразни болести, во насока на намалување на ризикот од појава и ширење на ковид-19. Тоа значи дека ќе се забрани гостување на пејачи и диџеи во сите угостителски објекти, ќе се намали гласноста на музиката до 55 децибели и ќе се намали бројот на гости на една маса во угостителските објекти.
- Не е дозволено гостување на пејачи/музички групи/диџеи во угостителските објекти кои послужуваат пијалаци и храна, вклучително и во ресторанскиот дел на угостителските објекти за сместување (хотели/мотели). Се ограничува максималното ниво на бучава во угостителските објекти на 55 децибели. Во Протоколот за отворање и работа на угостителските објекти и во Протоколот за отворање и работа на кафетериите се ограничува дозволениот максимален број на лица на една маса на 4 лица. Владата прифати на стриктно почитување на точка 3. не е дозволено послужување на гости на стоење на шанк и стоечки маси како во Протоколот за отворање и работа на угостителските објекти, така и во Протоколот за отворање и работа на кафетериите, - информираат од Владата.
Владата го прифати укажувањето на Комисијата за потребата од строго почитување на забраната за работа на ноќни барови и дискотеки и потребата од преземање на ригорозни мерки од страна на надлежните институции во случај на прекршување на забраната.