Во Куманово 8 см снег, минималната температура минус 8

Најстудено беше во Берово со -19 степени, а најтопло во Гевгелија со - 5 степени. Најмногу снег напаѓа во Попова Шапка со 55 сантиметри, а најмалку во Скопје 6 сантиметри.

Времето денеска ќе биде сончево и студено со мала до умерена облачност. Ќе дува умерен до засилен северен ветер. Максималната температура ќе биде во интервал од -5 до 0 степени.

Во Куманово, сончево и студено со мала до умерена облачност. Ќе дува умерен, повремено засилен северен ветер. Максималната температура ќе достигне до 0 степени.