05. 08. 2020 11:43

Во Куманово наврнаа 10 литри дожд

Во Куманово наврнаа 10 литри дожд

Во изминатото деноноќие во кумановско наврна 10 литри дожд на метар квадратен. Најголема количина на врнежи се регистрирани во Скопје 37л/м2, а најмалку во Штип 2л/м2.

Врнежите од дожд продолжија и денеска. Според метеоролозите времето ќе биде претежно облачно, посвежо и нестабилно со пороен дожд и грмежи.

Попладне локално процесите ќе бидат поинтензивни во форма на невреме со обилен пороен дожд (над 30л/м2), поинтензивни електрични празнења, засилен ветер и појава на град. Максималната температура ќе биде во интервал од 26 до 31 степени.

И во наредните денови ќе продолжи периодот на променливо облачно, нестабилно и посвежо време со повремени врнежи од дожд и грмежи. Локално процесите ќе бидат поинтензивни во форма на невреме, особено денес и утре, кога локално се очекува обилен пороен дожд (над 30 л/м2), силен ветер, електрични празнења и изолирана појава на град.

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk