Во Куманово нема заразени од коронавирус покажува апликацијата за следење на вирусот во државата

Состојбата со заболени лица од корона вирусот во Македонија може да се следи на апликацијата http://gdi-sk.maps.arcgis.com/apps/opsdashboard/index.html#/2096bd4b051b42948ac3f5747e80c3a5, која компанијата ГДИ Скопје ја прилагоди за потребите на нашите граѓани.

- Покажувајќи општествена одговорност, компанијата, на едно место, ги регистрира сите случаи на заболени лица од корона вирусот во земјава и на тој начин, настојува да ги алармира граѓаните за кризните подрачја и носење вистински одлуки, - соопштуваат од компанијата.

Според апликацијата до денеска најмногу заболени има регистрирано во Дебар со 16 случаи, а потоа Скопје со двајца пациенти.  Во останатите градови нема регистрирани заразени на коронавирус.

Според старосната структура најмладиот заразен е на 29 годишна возраст, а настарите имаат  65 години, една пациентка од Скопје и пациент од Дебар. Останатите се на возраст од 63, 61, 59, 58,  по двајца на 56 и 55, 47 и 39 години.