Зачленете се во нашиот клуб на читатели и најновите текстови ќе ги добивате на вашата мејл адреса
Во текот на вчерашниот ден во регионалниот пункт во Куманово се вакцинирале 1401 граѓанин од општините од Североисточниот регион. Од почетокот на масовната вакцинација до сега вакцинирани се вкупно 6505 граѓани.
Директорот на Здравствен Дом Куманово, Фарук Алили изрази благодарност до медицинскиот персонал, кој успешно ја спроведува масовната вакцинација на граѓани не само од Куманово туку и од другите општини во Североисточниот регион Липково, Старo Нагоричанe, Крива Паланка, Кратово и Ранковци.
„Рекорден број на вакцинирани во Куманово. 1401 вакцинирани во текот на денот и вкупно 6505 од почетокот на масовната вакцинација со вакцините АстраЗенека, Фајзер и Синофарм“, објави Алили.
Тој се заблагодари и на вработените во Брза Помош, Домашна посета, Ноќна амбуланта, Ковид лабораторијата и Техничка служба, кои на граѓаните им пружаат навремено и брза услуга.
Зачленете се во нашиот клуб на читатели и најновите текстови ќе ги добивате на вашата мејл адреса
