17. 08. 2020 11:49

Вонредна летна крводарителска акција во четврток

Вонредна летна крводарителска акција во четврток

Под мотото „Биди хуман, дарувај крв, спасиј нечиј живот“, Црвен Крст Куманово, организира вонредна крводарителска акција во четврток, во просториите на Центарот за култура „Трајко Прокопиев“.

Оваа крводарителска акција се спроведува со цел да се зајакнат резервите на крвните единици, кои периодов бележат надолен тренд. Од Општинската организација на Црвениот Крст ги повикуваат сите граѓани заеднички да се приклучат кон акцијата, преку највисокиот чин на хуманоста-крводарувањето.

„Ги охрабруваме сите здрави и подобни лица кои ги исполнуваат условите за крводарување да даруваат крв со цел да се одржи адекватното снабдување со крв за пациентите кои имаат потреба од трансфузија. Нема ризик за добивање на ковид-19 преку процесот на крводарување, бидејќи респираторните вируси не се пренесуваат преку дарување или со трансфузија на крв“, велат од организацијата.

Крводарителската акција ќе започне во 9 а ќе трае до 15 часот.

(Ф.М.)

 

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk