Возел со двојно поголема брзина од дозволената, полицијата го привела

Полициски службеници од  Крива Паланка вчера во 14 часот на магистралниот пат Крива Паланка – Куманово, кај селото Гиновце, го привеле 25-годишниот Д.П. од Крива Паланка.

При сообраќајна контрола било утврдено дека тој управувал патничко возило „Форд Фокус“ со брзина од 105 километри на час во населено место, каде што дозволената брзина е 50 километри на час.

По целосно документирање на случајот, против него ќе биде поднесена кривична пријава по член 297-а од Кривичниот законик за „безобѕирно управување со моторно возило“.