02. 12. 2020 13:19

Вработените во Центарот за култура донираа постелнина и средства за хигиена во Општата болница Куманово

Вработените во Центарот за култура донираа постелнина и средства за хигиена во Општата болница Куманово

Вработените од Центарот за култура во Куманово од сопствени средства донираа постелнина, средства за хигиена и друг потрошен материјал во Општата болница во Куманово.

Сашо Тодоровски, директорот на Центарот за култура се надева дека со овој потег ќе ги поттикнат и останатите институции во градот да дадат свој придонес, секој во рамките на своите можности.

„Одлучивме во овој тежок период за сите нас да помогнеме таму каде е најпотребно. Вработените од нашата установа собраа финансиски средства со кои купивме средства за хигиена, перници и чаршави и ги однесовме во Општата болница во Куманово. Сакаме да помогнеме и да ги поттикнеме и останатите установи во нашиот град да го направат истото, бидејќи во ова време нашето малку може да значи помош“, рече Тодоровски.

Медицинските лица биле позитивно изненадени и секако благодарни на помошта која во секој случај им е добредојдена во ова време.


2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk