Вработените во „Дрекселмаер“ засадија 1200 садници кај Костоперска карпа

Акцијата беше спроведена во соработка со јавното претпријатие „Национални шуми“ подружница Куманово, а садниците се обезбедени од компанијата.

„Грижата за околината каде живееме и работиме треба да биде наш приоритет. Годинава за прв пат имаме можност да засадуваме во близина на Куманово и драго ни е што заедно со нашите вработени, преку волонтерски пристап и голема мотивираност, покажавме дека можеме да направиме разлика. Сакаме да бидеме добар пример, но и поттик за заедничко одговорно однесување кон природата“, изјавија од менаџментот на „Дрекселмаер“ Куманово.

Локалниот тим од шумарски инженери од јавното претпријатие „Национални шуми“ подружница Куманово го обезбеди потребниот алат, но и стручна поддршка за време на акцијата.

„Дрекселмаер“ Македонија заедно со своите вработени реализирале акции за пошумување и во останатите региони кадешто делува компанијата. Со оваа акција за пошумување во Куманово, вработените засадиле над 10.000 садници на повеќе различни локации.