Заев: Борбата на сегашните генерации е да обезбедиме развиена, безбедна и силно меѓународно интегрирана држава

- Денеска, стоиме тука во Куманово, во градот херој, горди, со кренати глави чувајќи го заветот на нашите државотворци. Поради храбрите борци на НОБ денес сите ние имаме патриотска должност да се обединиме во создавањето на едно праведно општество. Во темелот на македонската државност се вградени заложбите, напорите и саможртвата на  огромен број генерации. Генерации на борци кои не се штедеа себеси, ниту својата младост и своите животи, - додаде Заев.

Нашиот повик, борбата на сегашните генерации, е да обезбедиме развиена, безбедна и силно меѓународно интегрирана држава, во која младите ќе имаат просперитетна иднина.

Премиерот најави дека доаѓа време на ред, правда и дисциплина, бидејќи новата Влада започнала бескомпромисна борба против корупцијата и криминалот на сите нивоа.

- Никој не е над законот. Кој не сака да го почитува законот, ќе се соочи со законот.Патот на правдата понекогаш знае да биде бавен, но покажавме дека знаеме и можеме да се движиме во таа насока. И од овој пат враќање нема! Kако Влада ќе бидеме партнер на сите чинители во законодавната, извршната и судската власт. Но, и на граѓанското општество, медиумите и групите од интерес, кои сакаат да придонесат кон градење на систем на правдата, што ќе им служи на граѓаните, додаде Заев.

Затоа ги повика сите да се приклучат и да дадат свој придонес и белег, бидејќи во граѓаните гледа коректив, но и партнер.

- Сега кога се соочуваме со најголемата светска криза во новиот век предизвикана од КОВИД-19, водиме битка и со една од најопасните појави на новото време – феноменот на лажните вести.  Појава која за жал некогаш е убиствена, колку и самиот вирус. Во таа насока ја повикувам опозицијата да ги напушти тесноградите партиски интереси и да покаже државничко однесување. Македонската државност е изнедрена од борбата за правда и еднаквост. На еднакви граѓани, кои заедно се посилни и можат да ги совладаат сите предизвици, - рече Заев.