×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Започна реконструкција на канализационата мрежа во Средорек

    02.06.2020 14:21 | KumanovoNews

    Во населбата Средорек во Куманово, започна реконструкција на фекалната канализација во должина од 241 метар. Целта е да се надмине долгогодишниот проблем со одвод на отпадни води, во овој дел од градот.

    Започна реконструкција на канализационата мрежа во Средорек

    Реализацијата на овој проект е дел од годишната програма за изградба на фекална канализација на Општина Куманово, а за неа се издвоени околу 2.1 милиони денари.

    „За првпат во оваа населба по подолг временски период има една капитална инвестиција. Веднаш по завршување на трасата 1 и 2 ќе побарам од Советот дополнителни средства за да се продолжи и со останатите траси, за конечно да биде решен и овој проблем во населба којашто е и една од постарите во градот. Целта е урбано и комунално живеење и на нашите сограѓани од ромската заедница, да се подобри квалитетот на животот, а со тоа и обврските кон заедницата. Исто така, да се намалат и проблемите со фрлање на отпад во речното корито коешто во континуитет го имаме овде“, рече Максим Димитриевски, градоначалникот на Општина Куманово.

    Градоначалникот најави дека Општината ќе поработи со граѓаните и во однос на организирано изнесување на смет во овој дел од градот.