Засега нема препорака за укинување на полицискиот час

Сепак,  тој не ја исклучи можноста за истото да се разговара и на владината седница.

„Ја пратиме состојбата, доколку треба ќе го предложиме тоа до Владата, но засега не“, рече Филипче.

Тој додаде и дека во контекст на скринингот на населението, од утре ќе започнат тестирањата на вработените во градинките, а се очекува во текот на една недела да се тестираат околу 2000 вработени.

Воедно потенцираше дека досегашните преземени мерки дале позитивни резултати, а дека отскокнувањата коишто се случија овие денови се поврзани со одредени настани. Еден кластер е поради погреб кој бил одржан во Тетово, а заразените од Скопје биле поврзани со семеен настан кој се одржал во околината на градот.