Заврши летниот ликовен камп „АСНОМ“

На затворањето на учениците и професорите по ликовна уметност, им беа доделени благодарници и признанија за учеството.

 „Продукцијата од година во година е подобра исто како и квалитетот. Тоа е наша желба да ги потикнеме најмладите да ја негуваат уметноста и да ја продолжиме традицијата, – изјави Нино Величковски, директор на Фондацијата за култура и спорт, организатор на кампот.

 Градоначалникот на Куманово Зоран Дамјановски, потсети дека општината има богата традиција во организација на колонии, на кои присуствуваат реномирани ликовни уметници од земјава и странство.

 „Колониите „Карпино“, „Прохор Пчински“, „Пелинце“, „Матејче“, значи има повеќе локации зависно од историските моменти и младинскиот ликовен камп. Делата ќе бидат понудени на продажна изложба, а собраните средства ќе бидат донирани на дневните центри. Кампот е извор на талентите од градот во ликовната уметност и ќе продолжиме да го поддржуваме,- изјави Дамјановски.

На кампот учествуваат над 40 ученици од основните училишта и корисници на дневниот центар „Порака наша“ и Центарот за лица со пореченост до 18 години и се одржува по седми пат.